واحد إتصل على زوجته وقال لها أنا كسبت مليون دولار جهزى شنطك بسرعه
فقالت الزوجه اجيب معايا لبس صيفى ولا شتوى قالها شيلى كل اللى عندك
المهم مارجعش الاقى فى البيت
راجل متجوز عنده دولاب فى البيت ممنوع أى حد يفتحه ومراته حيقتلها الفضول
وعاوزه تعرف الدولاب فيه ايه لكن الرجل مش مديها أى فرصة.. المهم فضلت طول
عشرين سنة منتظره الفرصة لحد ما فى يوم نسى يقفل الدولاب ونزل.. ففتحت
فلقيت عشرين ألف جنيه وبيضتين فجريت على جوزها وسألته عن سر الموضوع ده
وأصرت انها تعرف.. فقال لها: اقولك بس توعدينى انك تسامحينى .. قالت
أوعدك.. فقالها الصراحة: انا كنت كل ما أخونك أجيب بيضة و أحطها فى
الدولاب.. فالست قالت فى نفسها مرتين خيانة فى عشرين سنة.. ماشى سامحتك بس
العشرين ألف جنيه دول بتوع إيه.. قال لها ابداً أنا كنت كل ما اكمل كرتونه
أبيعها.
راجل
ومراته ساكنين جنب شريط سكة حديد.. فكل لما القطار يعدى يوقع لهم الدولاب
فالزوجة زهقت.. فجابت نجار وطلبت منه يصلح الدولاب فالنجار اختبر الدولاب
وقال لها ده سليم.. قالت له خش جواه ولما القطر يعدى هاتعرف العيب فين..
فسمع كلامها ودخل وبعد شويه جوزها وصل من الشغل وفتح الدولاب وفوجئ
بالنجار.. فقال له انت بتعمل ايه هنا فرد عليه.. لو حلفتلك ميت يمين حتصدق
انى مستنى القطر...؟.
مرة سواق تاكسي قابل واحد مسطول قال له تاخد كام و توديني فين؟؟ السواق رد عليه و قاله: هات اللي تجيبه و انزل هنا.
مذيعة قابلت اتنين
مساطيل فسألت الأول: إيه رأيك في مصر؟ فرد عليها و قال: مصر دي أمي، فسألت
الثاني نفس السؤال فرد عليها و قال: مقدرش أتكلم على أم واحد صاحبي.
أتمنى أن ينال موضوعى إعجابكم
فى إنتظار ردودكم
ومرحبا بكم فى بيتكم مركز شباب بولاق
موضوع: سمعت أحلى نكته 
الأربعاء أغسطس 03, 2011 6:10 pm