مشكلة البطالة والحل

طبعا احنا بعد الثورة قولنا نغير مصر مصر كانت بلد مجهولة الهوية ولا هى زراعى ولا هى صناعى
طبعا هتقولى ازى مصر مش بلد زراعى دية الحاجة الوحيدة الى بنعملها هقولك غلط
لية لان احنا كنا بنزرع بطيخ وشمام مينفعش الكلام دة انت كان متحرم عليك فى ارضك من انك تزرع قم...ح وقطن الى انت معروف بيهم
انك احسن بلد تعمل قطن الله يرحمة القطن طويل التيلة

---------------------------------------------

طيب احنا عملنا ثورة وغيرنا يبقا لازم نتقدم طيب احنا لا عندنا لا صناعة ولا زراعة نعمل اية؟
هقولك بص يادكتور انا هقولك حل صناعى يتكون من محورين لازم نمشى فيهم فى وقت واحد علشان تحقق نجاح فى اقل من سنتين
الى هما
1:ننقل مصانع او خطوط انتاج الشركات الكبيرة فى مصر هنا لعدة اهداف وهشرحها هدف هدف
2:تنمية الصناعات الى مصر مشهورة بيها ودة هيتم شرحة فى موضوع تانى علشان ميبقاش الموضوع طويل

---------------------------------

نقول بسم الله ونمسك المحور الاول:

فى شركات كبيرة جدا بتنتج منتجات مش عارفين نعمل زيها ولا هنعرف الا اذا خدنا خبرتهم
على سبيل المثال العربيات ودة المثل الى هشرح علية وبالتحديد مصنع تويوتا لانة من اكبر المصانع فى صناعة السيارات
فى العالم

لو روحنا لشركة زى شركة تويوتا وطلبنا منها انها تنقل خط الانتاج بتاع مصر والوطن العربى وشمال افريقيا يكون جوا مصر
هتقولى طيب واية الحافز الى هيخليهم يوفقو هقولك لعدة اسباب اقولها ليك
1: مصر هتقدم ارض المشروع للشركة وهتخش مع الشركة شريك بنسبة فى الارض يعنى مش هيدفعو حاجة فى النقل

2:تكلفة العامل المصرى اقل من تكلفة العامل اليابانى او من اى جنسية اخرى بحيث ان العامل بياخد هناك 2500 دولار العامل المصرى لو خد نصهم بيتهيالى مش وحش خالص والمبلغ انا متاكد منة 100% لانى جايبة من ناس بتشتغل هناك

3: مصر هتدى الشركة اعفاء جمركى على المعدات والمكن بتوع خط الانتاج

4:لو جيت تحسب الفرق هتلاقى فرق كبير لان مصر بتفرض جمرك بما يعادل سعر العربية مرتين لو صنع فى مصر مفيش جمرك ودة الى هيزود حركة البيع لشركة تويوتا وهيخلى مصريف النقل الى بتتحملها الشركة من الشركة الام للوكلاء اقل بكتير لان لو من مصر روحت اى بلد عربى تعتبر مصريف النقل بسيطة على عكس لو جاية من اليابان

5:العاملة الى هتيجى مصر تدرب العمال المصرين والمهندسين المصرين 3/4 منهم مش يابنين يعنى مش هيدفع بدلات سفر والكلام دة لا هيدفع المرتب بس بتاع الموظفين لان معظم الى بيشتغل فى الشركة فلبنين واندونسين ويابنين فابكدة مش هيتكلف دفع مصريف زيادة فى الاجور للعمالة الى جاية من برة

طيب دلوقت احنا اتكلمنا لية هيوافق نتكلم دلوقت لية مصر هتعمل كدة
1: نسبة كبيرة من العمالة فى المصنع الى فى مصر هيكون من المصريين ودة هيقلل من نسبة البطالة

2:هيدى المصريين الخبرة والكفاءة فى تصنيع السيارة

3: تنمية الاستثمارات الموجودة فى مصر

4: زيادة العائد القومى لان مصر دخلة شريك فى المشروع وطبعا ليها نسبة فى الارباح حسب النسبة الى داخلة بيها

5: لو مصر حبت تصنع عربيات وتعمل مصنع ليها يبقا عندنا الخبرات الى تسمح انها تطور وتجدد وتعمل عربية نعرف ننزلها ننافس بيها العالم فى المستقبل

ودة كان المحور الاول قيس علية بقا كل الشركات

---------------------------------------------
شكرا لكل الناس الى ادتنى من وقتها وبذلت مجهود فى قراءة الموضوع