خليها على الله واضحك وإنبسط
راجل قام من النوم علي صوت زعيق
سأل الجيران ايه اللي حصل
قالو له المياه مسمـّـمة ،
مراته صحيت وسألته: في ايه؟
قالها:مفيش حاجة .. إشربي ونامي
****************
بلدياتنا جاله مسج حلوه إنبسط وضحك
إتصل باللي بعتها وقاله: والنبي تبعتها تاني
*************
بخيل حلم إنه بيوزع فلوسه علي الفقراء،
لما صحي قال أبقي عيل لو نمت تاني ...
************
إتنين مساطيل .. واحد سأل التانى
إنت أقرع ليه !!
قاله من الزمن ..
قاله بلاش تحلق عنده تانى
***********
مسطول قاعد يمتحن جاله سؤال ضع (إنّ) في جمله ... كتب: اشتريت موبايل "إنّ سبعين"
***********
موبايل بيقول لشريحته انتي طالق .. قالتلو يخرب بيتك .. ورصيدك أللي في بطني ..
***********
واحدة ماشية مع حبيبها بتقوله قولى كلمة تخلى قلبى يدق .. قالها أبوكى ماشى ورانا ...
**********
وحده بتقول لجوزها قولى كلمه حلوة قالها بسبوسه
قالت ليه قولى كلمه تهزنى قال لها زلزال
قالت له قولى كلمه تحسسنى انى مراتك
قال لها انتى طالق
************
واحد قبل ما يموت جمع أولاده التلاتة وحب يوصيهم يفضلوا ايد واحدة .. قام
اعطى لكبيرهم عود خشب كسره بسهولة ... اعطاه اثنين كسرهم بسهولة ... اعطاه
خمسين عود كسرهم بسهولة ... قالهم طالما معاكم البغل ده مفيش خوف عليكم ..
**********
اتنين حرامية دخلو شقة واحد بلدياتنا علشان يسرقوها .. واحد دخل حجرة النوم
ولما حسّ ان بلدياتنا هيصحى راح داخل البلاكونة .. شوية وبلدياتنا دخل
البلاكونة لاقاه .. سأله انت بتعمل ايه هنا .. قاللو انا طيار مصري وكنت
بحارب طيار إسرائيلي وانا راجع البنزين خلص منى فتحت البراشوت ونزلت على
البلاكونة بتاعتك (قاللو هيا دي الرجالة مش التانى اللي قاعدلى فى البانيو
وبيقوللى من الضفادع البشرية)
************
اثنين أغبياء خرجو من الامتحان واحد بيقول للثانى : عملت ايه فى الامتحان
قاله : اسكت! أنا سبت الورقه فاضيه .. قاله : الله يخرب بيتك ها يفتكرونا
غاشين من بعض ..
أتمنى أن ينال موضوعى إعجابكم
فى إنتظار ردودكم
ومرحبا بكم فى بيتكم مركز شباب بولاق