نكت مصرية مضحكة
بلدياتنا فى الجيش واقف تشريفة و فيه ضيف كبير جاى يزور الوحدة فالقائد بيديلهم التعليمات الأخيرة
القائد : أول الضيف ما يدخل تضربوا 21 طلقة تحية للضيف
بلديتنا: و لو الضيف مات من أول طلقة نكمل برضه ؟؟!!
---------------------------------------------
ليه بديتنا لما بينام بيحط منبهين جانبه
علشان لما منبه يضرب التانى يحوش
---------------------------------------------
واحد بلديات سمع عن الموبايل قال لأبوه عايزك تشتريلي موبايل يابوي..
أشتريلك بشرط .. انك تركب اخواتك معاك !!!
---------------------------------------------
في واحد عايز ينتحر رمى نفسه قدام عربيه زعق عليه صاحب العربيه بتعمل كدا
ليه رد عليه عايز انتحر قال طيب ماتطلع اي عماره وتنط قال ياسلاااام عايزني
امووت
---------------------------------------------
ثلاثة حكموا عليهم بالإعدام معاهم واحد بلديات ، قالوا للأول عايز المنشار
الكهربائي أو شنق ، قال: المنشار الكهربائي ، جابوه عند المنشار الكهربائي
مشتغلش ، قالوا : حظك روح وأطلقوا سراحه ، جابوا الثاني قالوا : المنشار
الكهربائي أو الشنق ، قال : المنشار الكهربائي ، جابوه عند المنشار
الكهربائي برضو مشتغلش ، قالوا : حظلك روح وأطلقوا سراحه جابوابلديتنا ،
قالوا : المنشار الكهربائي أو الشنق، قال : شنق والناس وأقربائه يذعقو :
المنشار ، المنشار ، المنشار قالهم بايظ مايشتغلش
---------------------------------------------
بلديات دخل مسابقة من يكسب المليون سئله جورج قرداحي سؤال كان صعب شويه قام
قاله ممكن اتصل بصديق اتصل بصحبه وقاله ياحسنين ايه رايك احسن احزف
اجابتين ولا اخد رأي الجمهور
---------------------------------------------
مره واحد من بحرى ماشى على البحر لقى جماعة بلديات بيهتفوا ،هريدى يابطل--
هريدى يا بطل، ولما سأل عن السبب أجابوا: أحسن واحد عندكم يقدر يغطس قد
أيه، فقالهم: حوالى ثلاث دقائق، فقالوا هريدى غطس من ثلاث أيام و لسه مطلعش
---------------------------------------------
بلديات طرده المدير من المدرسة .. جاء ابو ه وقال للمدير : ليه طردت ولدي
من المدرسة ؟ قال المدير : ولدك غبي جداً .. وعشان أثبتلك : يا ولد روح دور
عليه راح الولد ثم رجع قال : ما لقيتك ... قال المدير : شفت !فقال الأب
للولد : رح دور كويس يمكن تلاقيه
---------------------------------------------
واحد معدى لقى ناس بتهيص قوى قالوهم فية اية.. قالوله فى واحد بلدياتناعايز
ينط من سطح العمارة..هم خلاص انا طالعلة... طلعلة وقاله عايز تنتحر لية...
بلدياتنا قاله اصل انا غبى وكل الناس بتقول علي غبى .. راح الراجل قايله
هاقولك فزوره لو حلتها ماتبقاش غبى .. حاجة اسمها زى شكلها .. بلدياتنا :
ماخبرش .. الراجل:البيضة اقولك واحدة تانية .. حاجتين اسمهم زى شكلهم ..
بلدياتنا :ماخبرش .. الراجل: بيضتين اقولك واحدة تانية بسيطه و سهله ..
حاجة كبيرة وسودة وبتجيب لبن واسمها جموسة .. بلدياتنا 3 بيضات
---------------------------------------------
واحد بلديات وواحد امريكي وواحد ياباني تايهين في الصحراء بقالهم ثلاثة ايام وفجأة ظهرلهم الجني وقال كل واحد فيكم ليه طلب واحد بس
الامريكي قال عايز اروح بلدي ونفذله الجني طلبه
الياباني قال عايز اروح بلدي ونفذله الجني طلبه
راح بلدياتنا قاله واه هما سبوني لوحدي هاتهم لي تاني
---------------------------------------------
واحد بلديات مكلف بتفجير نفسه بين الاسرائيليين راح عمل بروفة بين أهله قبلها بيوم .
---------------------------------------------
غضب بلدياتنا من النكت التي تقال عليهم و لإثبات مدى ذكائهم تقرر عمل اختبار ذكاء لهم فتم اختيار 3 منهم و كانوا من أذكيائهم
وكان السؤال الأول هو : ما هو الشئ الذى نلبسه في القدم و لونه أسود
فأجاب الأول الجذمة
السؤال الثانى ما هو الشئ الذى نلبسه في القدم و لونه بني
فأجاب الثاني الجذمة
السؤال الثالث ماهو الشئ الأبيض المستدير الذي نأخذه من الدجاج
فأجاب الثالث هل هو برباط
فقيل لا
فقال إذا هي الشبشب
---------------------------------------------
مرة بلديات عايز يعمل تجربة على ضفدعة فقطع رجل وقال لها نطى فنطت قكتب
الضفدعة بتلات رجول تنط وقطع كمان رجل وقال لها نطى فنطت فكتب الضفدعة
برجلين تنط فقطع كمان رجل وقال لها نطى فنتط فكتب الضفدعة برجل واحدة تنط
وقع الرجل الاخيرة وقال لها نطى فما نتط نطى فما نتط فكتب الضفدعة بدون
رجول تفقد حاسة السمع
---------------------------------------------
غضب بلدياتنا من كثرة النكت عن الصعايدة فقرروا عمل برنامج تليفزيونى
يستضيف أحد البلديات الأذكياء و يسئله أمام الجمهور حتى يتضح زكاء بلدياتنا
فى اليوم التالى على الهواء
المذيع : 2 + 3 تساوى كام
بلدياتنا الذكى بعد تفكير عميق ..: 8 ؟
المذيع بصوت منخفض : لا ليست 8 !
الجمهور فى نفس واحد : إديله فرصة تانية .. إديله فرصة تانية
المذيع : ماشى .. ياريت توقوللى 2+3 تساوى كام ؟
الصعيدى الذكى بعد تفكير عميق : 4 ؟
المذيع بصوت منخفض : لا ليست 4 !
الجمهور فى نفس واحد : إديله فرصة تانية .. إديله فرصة تانية
المذيع : ماشى.. بس دى آخر مرة .. ياريت توقوللى 2+3 تساوى كام ؟
بلدياتنا الذكى بعد تفكير عميق : 5 ؟
الجمهور فى نفس واحد : إديله فرصة تانية .. إديله فرصة تانية
---------------------------------------------
سئلوا بلديات : ليه جتلت أبوك
بلديات: كانوا عاملين رحلة للأيتام , كنت عايز اروحها
المحققين : طب ليه جتلت عمك ؟
بلدياتنا : كنت عايز ابن عمى يسافر معايا
المحققين : طب ليه كنت عايز تنتحر
بلدياتنا : أصلهم لغوا الرحلة
---------------------------------------------
مرة واحد بلديات بيقول لواحد تاني و هو بيجري عليه بسرعة:الحق اخوك عواد غرقان في دمه ، آم اخينا ده قاله ماتخافش ما هو بيعرف يعوم
---------------------------------------------
مرة واحد بلديات ماشي في الشارع ومعاه شوية مسامير فوقع منه واحد قعد
يندهله و يقوله تعالى و مفيش فايده آخر ما زهق رما شوية مسامير و قالهم
هاتوه
---------------------------------------------
مرة ثلاتة بلدياتنا راحوا يسرقوا بنك ..... واحد دخل يسرق و التانى وقف يراقب و التالت راح يبلغ الشرطة ..
---------------------------------------------
بلديات واقف مع دوده في الشمس ليه؟؟؟؟الطبيب قال له اعد في الشمس دقائق معدوده
---------------------------------------------
مجموعة بلديات عملوا عصابه و قرروا يسرقوا بنك
زعيم العصابه : محمدين يدخل البنك و يستخبى فى دورة المياه لحد ما البنك يقفل .. و بعدين يشيل الغطا بتاعت التكييف
بعد كده نخش كلنا من فتحة التكييف و نكسر الخزنه و ناخد الفلوس
لما نطلع من البنك حنلاقى الحارس نروح نقتله و نهرب بالفلوس .. فاهمين يا رجاله
العصابه : فاهمين يا رييس
المهم جت ساعة الصفر و فعلا راح محمد البنك و استخبى فى دورة المياه
و فتح لهم .. و دخلوا .. و فتحوا الخزنه .. و لما خرجوا من البنك ملاقوش الحارس .. فضلوا يستنوه ساعة .. ساعتين لكن الحارس ماجاش
رئيس العصابه : مافيش فايدة يا رجالة يلا نرجع الفلوس الخزنه الخطة فشلت
أتمنى أن ينال موضوعى إعجابكم
فى إنتظار ردودكم
ومرحبا بكم فى بيتكم مركز شباب بولاق
موضوع: نكت مصرية مضحكة 
الإثنين أغسطس 15, 2011 10:27 am
