سكان الارض قبل الانس والجن ويسمون

"الكفتة المشوية"

هي مش أكلة جديدة، لكن إضافة جديدة للكفتة المشوية..

لأني باضيف لها حاجة زيادة من عندي وهي خلطة لذيذة جدًّا، أتمنى إنكم تجرّبوها وهي طريقتها سهلة أوي..

المقادير:
نصف كيلو لحمة مفرومة
2 بصلة
ملح وفلفل
كيس فيجيتار
3-4 معالق لبن

الطريقة:
هي نفس طريقة الكفتة العادية، بس نقولها تاني علشان اللي مش عارفها:

1- قشّري البصل وافرميه أو ابشريه بالمبشرة.

2- حطي البصل على اللحمة في وعاء كبير واخلطيهم مع بعض كويس، وضيفي الملح والفلفل.

3- بعد كده أحضري كيس الفيجيتار (متوافر بالسوبر ماركت)، وحطيه في طبق وحطي
عليه معلقتين اللبن، وممكن تزوّدي معلقة أو أقل، المهم إنك تحصلي في الآخر
على عجينة متماسكة بس ما تزوديش اللبن.

4- حطي الفيجيتار على الكفتة، واخلطيهم مع بعض وسيبيهم نص ساعة.

5- جيبي صينية تيفال أو ألمونيوم وابتدي صبّعي الكفتة، أنا باصبعها على
قلم؛ لأن بيكون أفضل إنك تصبعيها على القلم، وتسحبيه علشان يعمل فراغ في
أصابع الكفتة.

6- بعد ما ترصي الكفتة في الصينية، هتغطي الصينية وتحطيها على البوتجاز من فوق على نار هادية.

7- لما تلاقي الكفتة لونها بدأ يتغيّر ونزّلت ميتها، وبدأت تستوي اطفي
عليها، وولعي الشواية بتاعة الفرن من فوق وحطيها لحد ما تتحمر.. وبالهنا
والشفا.

أتمنى أن ينال موضوعى إعجابكم
فى إنتظار ردودكم
ومرحبا بكم فى بيتكم مركز شباب بولاق