حبيت الاقى عنوان يبقى احسن من كده ملقتش كلمه تنفع للعنوان غير دى ( مع حفظ وجهات النظر للاخرين )..اللى مش مقتنع يسألنى!!وانا ارد عليه يقولى ازاى؟؟ اقول كده هوه ...
تيجى وتسالنى اخترت ليه العنوان ده؟؟؟اقول لاسباب كتيره منها انه لما تسال حد انت مين ؟؟؟اقولك غلط ,السؤال غلط ,السؤالمش كده!!!, السؤال يبقى انت ايه؟؟؟؟؟
كلنا احيانا بنتوه عن حقيقه السؤال ,وهى انت ايه؟؟؟معناه ايه؟؟؟وبالنسبه لمين؟؟
فـ الجزء الاول هنتكلم عموما ً..........يعنى لما تتسأل السؤال اللى فات ده !!!!!!, عرفنى
ردك انت على السؤال هيكون ايه؟؟؟!!...انت ايه بالنسبه للى حواليك؟؟...ايه بالنسبه لنفسك ؟؟...بالنسبه لمديرك؟؟؟ بالنسبه لزميلك؟؟او حتى امك او زوجتك وابنك وبنتك اوحبيبتك!! ......... انت ايه بالنسبه لدول كلهم؟؟؟ مجرد شخص موجود فـ حياتهم بلاقيمه شخص اتعودوا يشوفوه كل يوم بلا فرق او اختلاف فـ كل مره عن التانيه ولا انت محور اساس فى حياتهم ومن غير وجودك حياتهم بلا معنى ولا انت مش عارف؟؟؟؟؟
انت مش قادر تاخد قرار!!...صح؟؟؟؟.....لانك مافكرتش تسأل نفسك السؤال ده قبل كده زى ناس كتيييير والموضوع بقى اساسى فى حياتهم} ليس هناك من هو أكثر بؤساً من المرء الذي أصبح اللا قرار هو عادته الوحيدة) ويليام جيمس) {.
انت ايه؟؟؟ فـ الدنيا انت انسان عايش بضمير صاحى ولا ميت ؟؟؟...عايش اساسا ولا محسوب على الدنيا(لو معشـتـيـش الدنيا هى اللى هتعيشك)...عارف هدفك ولا برضه مش عارف؟؟؟ }إنسان بدون هدف كسفينة بدون دفة كلاهما سوف ينتهي به الأمر على الصخور (توماس كارليل){ .....صعبه جدا كلمه مش عارف...انها لاتعنى الا الجهل!!!!!!
شىء صعب احساس الجهل بالذات (بالنفس يعنى) او بحقيقتك ايه!!! أوحتى تفـَهـِم كل اللى حواليك عارف انت عايز ايه؟؟..عارف انت وسط ايه؟؟؟؟ عارف انت ليه؟؟؟؟ وعشان ايه؟؟؟؟
وزى ماقال العالم النفسي بجامعة هارفارد (ويليام جيمس):
(أعظم شئ لأجيالنا هو إكتشاف وجودية الناس وذلك بتغيير ما بالعقل الداخلي من المشاعر والأفكار و بذلك تستطيع أن تغير من تصرفاتهم الخارجية في مجالات الحياة) .
يبقى فى حاجه لازم تتغير فـ عقولنا عشان نوصل لحقيقه السؤال!!!!...ونعرف نغير كل حاجه وشىء بنتعرض عليه.
الجزء التانى السؤال هيكون خاص.
دلوقتى جاء ميعاد سؤالى الشخصى.....
سألت نفسى فـ مره وانا مع احد الاصدقاء فى مره من المرات العديده التى ذهب فيها الى تلك الاماكن لكى ينهى كل تلك الاوراق ...بالبلدى راح هناك خمسميه ستميه مره رايح جاى رايح جاى والورق مابيخلصش، هو كان عاوز يقدم ورقه للجيش زى ما كل الناس بتعمل وعمل زى كل الناس مابتعمل او بمعنى ادق بيتعمل فيهم...السؤال اللى سألته لنفسى(هو انت ايه؟؟؟؟)لو جيت زيه كده فـيوم هتبقى ايه؟؟؟ إجابتى كانت طالعه من جوه صريحه وواضحه من غير شك............انا ورقه!!! ، ايوه ورقه مش اكتر واللى ثبتلى الكلام ده اكتر الموقف السالف ذكره.
بيحكيلى عن كل اللى حصل معاه قبل كدا وباختصار يقولى :دخلت المكتب الاول اسأل عاوز اقدم ورق الجيش اول رد كان معاك ورقك؟ الاجابه طبعا لا انا معرفش حاجه قالولوا (اطلع بررره) هتلاقى ورقه شوف المطلوب فيها وهات كل الاوراق دى وبعدين تعالى قدم.....
طبعا هو راح يبص على الورقه وهو بيفكر ايه ممكن يكون فيه من مطاليب؟؟؟...هتبقى مستحيلات ولا مستيسرات؟؟؟
وبالتأكيد كالعاده لقى كميه ورق مطلوبه منه على مايجمعها تكفيه شهر مايفكرش يعمل حاجه غير الورق ده يجى ازاى وامتى؟؟.......من ضمن الورق المطلوب كانت شهاده ميلاده الكومبيوتر ودى فى ذات نفسها حكالى عليها مايقرب من الساعتين كلام متواصل عشان يقولى ازاى وبعد لعبه دوخينى يالمونه قدر يعتر عليها ويجبها ...ورقه ايوه ورقه؟؟؟؟روح للمكتب الاولانى تعالى عند التانى روح للمدير الفلانى واختم من الدور التحتانى وكُل فول سودانى، يعنى اتظبط فـ اول ورقه وطبعا حكالى على البطاقه بنفس الطريقه وغير اثبات حاله انك موجود ف البلد وانك واحد من سكانها وورق وورق ورق غيره ياما (بلد بتاعت شهادات بصحيح)......وف كل مره يروح يقولولو الاستمارات خلصت ..الموظف خلص شغله بدرى وراح يمضى الخمس طلبات اللى كانوا معاه.... وخد على تلك الشاكله الكثير والكثير.
و فضل يحكيلى المأساه التى عاناها بين مكاتب الدوله واقسامها ومديريتها وسجلاتها المدنيه وغيرها وانا استمع واردد مع نفسى انا ورقه انا ورقه.....
شىء صغير ورد على ذهنى ،جربت اطلع بطاقه انتخابيه يعنى حبيت اشارك بصوتى فى مستقبل بلدى واخدت القراروالنتيجه كانت انى مش موجود على كومبيوتر الحكومه من اساسه ...مما يعنى ان الدوله لا تعرف عنى شىء, مع العلم انى مستخرج لكل اوراقى الرسميه الثبوتيه من قبل من مراكز الشرطه (زى الناس)...الاتكفى لكى استخرج بطاقه انتخابيه, ولا لازم يبقى معايا ورقه تثبت انى انا انا مش انت ,فـ لجنه الانتخاب !!!!
مع اننا فى عصر التقدم والارتباط وكله موجود على هذا الجهاز الصغير, ولا احنا ماشيين بمبدأ (جورج واشنطن))ستلفت انتباه العالم عندما تقوم بمهامك العاديه بصوره غير عاديه.. (.........لكن هو اخد القرار انه لازم يعمل ورقه كله ويقدمه للجيش مهما كانت المصاعب وانا اخذت القرار ان اشارك فـ الانتخابات ولو هيخلونى الف السبع لفات مع انى عندهم مجرد ورقه بس انا اللى اخذت القرار ...انت هيبقى قرارك ايه؟؟؟
(إن المرء هو أصل كل ما يفعل) ( أرسطو).
خلاصه الحكايه والموضوع.......وعلاقه الجزءين ببعض.
لو حبيت تسال نفسك انت ايه؟؟؟..حدد موضع سؤالك,مكانك ايه؟؟معاك مين؟؟؟فى انه مكان؟؟...يعنى لازم مايكونش عندك جهل بالذات ويبقى عدم اخذ القرارات عاده من العادات
بس صدقنى هتلاقى الاجابه واحده لكل الاحتمالات وهى انا ورقه مع اختلاف الجوده.
وسط كل الناس انت انت لكن عند الجهات المسؤوله انت عباره عن رزمه من الاوراق ان فـُقدت ورقه منها فَـُقد عضو من اعضاء جسدك معه وزى ماحصل مع الفنان الكبير محمود عبد العزيز فى احد الافلام عندما حاول استخراج احد لاوراق الثبوتيه الخاصه بيه طلب منه الموظف انه يجبله ورقه طبيه بإثبات حالته,مش الاجتماعيه ,لا حالته النوعيه يعنى يثبت هل هو ذكر ام انثى؟؟؟انت ايه؟؟؟؟؟؟؟؟؟؟حالتك ايه؟؟؟؟؟؟؟؟؟؟ولا لسه السؤال صعب ...........................انا مجرد ورقه
تحياتى
هانى
موضوع: اكتشف نفسك .....انا ورقه..انت ايه؟؟؟؟ 
الأحد نوفمبر 21, 2010 2:40 pm