قصه حب ابكت الكثير

هي قصه واقعيه..لكنها طويله

نالت جائزة افضل قصه لعامين كاملين

ملاحظه:رجائي الخاص اقراها كلها..

سعود :شخص فاشل بجميع المقاييس الحظ ردي واقف له بكل مكان وبكل زمان انسان تعيس ببساطه
وعلى كل ذا دلخ بمعنى الكلمه وهو يتكون من كنله تناحه‎?
ولكنه للامانه كان وسيما جدا جدا
المهم نشأ في بيت ابوه وامه وترعرع في ذاك
وكبر وتم خمس سنين من الدلاخه المفهيه وبعد ان يأسو من امه وابوه وكرهوا اليوم اللي جابوه في هذه الدنيا
وفي يوم من الايام استجمع قواه وقرر ان يفر من البيت ولكن ليس بعيدا فراح لبيت ولد جيرانهم(ريان)حيث يجد هناك
كل انواع الرفاهيه من جميع الاشياء وكانت هذه العائله متفتحه ومتفهمه ومتحررة
المهم
ويوم ذهب عندهم استقبلو سعود بكل ترحيب بس سالوة ايش جايبك بهذا الوقت لان الوقت كان الساعه خمس الفجر
قال امي قالت رح نم عندهم(يكذب)ولما جا الصبح جا ابو سعود يدق على بيت ريان
قالوله موجود عندنا
ويدخل ابو سعود بيت الجيران ويدر غرفه ريان لقى سعود لابس سروال سنه اخوهم الكبير
المهم ابو سعود ضرب سعود ضرب
ولما راح بيته لقا امه من المطبخ الخارجي وبيدها ماس وقدر واخذت ترجفه لين اغمى عليه
وجنن سعود الجيران كل يوم عندهم وكل يوم امه وابوة يضربونه اليين قالو له الجيران مانبيك واخذ يبكي ويبكي وصار يدزر بالحوش
بسيكله بالساعات
وحين كمل سن السادسه بعدشتى الطرق واقناعات دخل المدرسه سنة اولى هو وولد خالته حمود

وصار يلزق بحمود وين ماراح يروح معاه
لااصدقاء لسعود ولاشئ وحمود كان الوحيد اللي يرأف بحاله في مواقف عصيبه مثل حرمان ابوة من المصروف
طبعا كان بذاك العمر اهم شئ المصروف وهذي اكبر مشكله يواجهها الطفل
المهم حمود ماقصر وع ولد خالته وصار يعلمه امور الحياه وكبرو ثنينهم
سعود كان ينجح بالدف كل سنه
حمود كان متفوق اكثر من سعود
مما اشعل غيرة سعود ولكن حمود بذكائه كان يمتص غيرة سعود بطيبه قلبه ولين اطباعه
وصلو لسن المراهقه16سنه والحال كما هي
طلع حمود جوال بحكم ظروفه العائليه
وسعود قعد يحن على امه وهي داخله وهي طالعه اليين اشترتله جوال عائلي طار من الفرحه
حط اول رقم بيتهم
الثاني جوال ابوة
الثالث رقم السواق فخر الدين
حمود يرسل لسعود رساله يقوم سعود يردها له (ماعنده رسايل)مر شهر والجوال لازق بيد سعود ينام فيه يروح ويجي فيه
حتى لما يدخل الحمام يكون الجوال معاه
ومره كان جاي بسيارتهم من المدرسه
بعد الظهر ودق جواله انهبل سعود بالعاده ماحد يدق عليه ولااحد يسال عنه
رد سعود:الو
ردت عليه بنت قالت:اهلين
سعود:اشتبين؟
البنت:ذا جوال غادة؟
سعود:لاذا جوالي
البنت:اسفه على الازعاج باي
سعود:طيب

اغلق السماعه سعود واغلقت تلك الفتاه السماعه ولم يحرك ساكنا سعود لانه عديم الاحساس
ومايدري عن الدنيا فلم يأبه لتلك المكالمه
مرت ربع ساعه ولازال سعود بالسيارة رن جواله بنفس الرقم
سعود:الو
البنت:هلا معليش بس انا متاكده ان ذا جوال غادة انت متاكد انه موب جوالها؟
سعود:ماتفهمين؟قلنا لك ذا جوالي
البنت:طيب لاتنافخ خلاص اسفين وجع

طراخ سكرت بوجهه

سعود:ياخي والله بنات ذا الوقت لاحيا ولا حشيمه مايستحون على وجيههم
فخر الدين:ايس في؟
سعود:سق السيارة وانطملا ارجفك بذاالجوال
فخر الدين:ايش في؟
سعود:ياخي من كلمك انت الحين
فخر الدين:تيب

رجع سعود للمنزل وتغدا مع امه وابوه وراح نام
دقت عليه تلك البنت الساعه4بالعصر
البنت:معليش ازعجتك
سعود:لاعادي بس شتبين هالمره؟
البنت:امممم صراحه ماني عارفه وشقولك
سعود:تراك من جد اقلقتيني شفيك؟
البنت:خلاص باي..وسكرت بوجهه
سعود:الحمدلله والشكر


مر يومان وقد نسى سعود تلك السالفه ولم تهز شعره من شعرات راسه الصغير
اما تلك الفتاه فقد بدأت تخطو اول خطوه في درب الغرام واصبح فكرها معلق بذلك الشاب الوسيم ذو الصوت المبحوح الجميل
وقد اغراها ان الرجال ثقل مايمزح وصارت تسبح بمخيلتها برسم صورة ذلك الشاب واصبح صدى صوته يهمس لمسامعها كل حين

وبعد اسبوع من تلك المكالمه قررت ان تصارحه بعد ان اتعبها الحنين والمها الونين ففي يوم الخميس الساعه11ليلا
اتصلت على سعود

البنت:مساء الخير
سعود:انالله انتي مرة ثانيه
البنت:والله ادري اني غثيتك بس تحملني
سعود:ومين انتي علشان اتحملك
البنت:طيب انت الحين ليش معصب
سعود:لانك تنرفزين الواحد
البنت:طيب اسمع ابي اقولك شئ
سعود:شوفي تسكرين ولاانادي امي الحين؟؟
البنت:خلاص طيب باي
سعود:باي


اخذت تلك الفتاه تعتصر دموعها وتبكي ك طفله فقدت لعبه احبتها واحست في تلك اللحظه
ضائعه فقد احبت ذلك الشاب
بينما هو لايبادلها الشعور وقررت ان تنسى امر ذلك الشاب وكان قرارها حازما
مرت فترة وهي تحاول جاهده ان تتناسى..ولكن في لحظه خانت عهدها وقررت ان تجرب حظها مره اخرى لعل وعسى
وقالت بنفسها اخخخر مرة ان حبني ولا بكيفه

اتصلت بسعود

سعود:الو
البنت:هلا كيفك؟
سعود:الحمدلله مين معاي؟
البنت:ماشالله امدا تنساني
سعود:اييييه انتي ذيك البنت اللي دقيتي علي وكان جمبي سواقنا؟يوم اتهاوش مع سواقنا وكذا
البنت:وانا وشدراني..المهم ذكرتني؟
سعود:أي عرفتك انتي النشبه..وشخبارك؟
البنت:احم.الحمدلله..اسمع انا بكلمك بموضوع وعارفه وش بترد علي بس علشان ضميري يستريح
سعود:عسى ماشر وشفيه؟
البنت:في شئ بس انا بصراحه يعني مو عارفه شقولك
سعود:وشتقولين؟
البنت:اول شي وشسمك؟
سعود:سعود ليش؟
البنت:شوف سعود انا بصراحه من يوم كلمتك اول مرة صرت افكر فيك مانسيتك ابد كل ما حاولت انساك
اذكرك واحبك زود صدقني انا ماقلتلك اني احبك الا اني خلاص بموت
سعود:طيب انا شساويلك؟
البنت:هو كيف شتسويلي اقولك انا احبك تقولي شسويلك
سعود:كيف تحبيني..يعني زي امي وابوي؟
البنت:ايووة صح عليك
سعود:اها طيب
البنت:وشو؟؟طيب كل ذا الكلام وتقولي طيب؟
سعود:احترنا معاك ان قلت شسويلك قلتي كيف وان قلنا طيب قلتي وشو طيب وشتبيني اقول؟
البنت:الحين انت لما تسمع امك تقول لاابوك احبك وشيرد عليها؟
سعود:يقول لها موب وقته
البنت ايوة كيف بفهمك انا الحين
سعود:تفهميني وش؟
البنت:ياشيينك
سعود:طيب اسمعي امي تطق الباب تروش لامصع رقبتك باي
البنت:باي


فرحت الفتاه لحسن تجاوب سعود ومن جهة اخرى اخونا بالله سعود امه تطق الباب تبيه يفتح

سعود:يمه وخري عن الباب ولا ترى منب طالع
ام سعود:انت رجال؟افتح الباب
سعود:صدقيني موب فاتح الباب
ام سعود:شوف بعد من الواحد لين الثلاثه ولو مافتحت!!
سعود:طيب وخري والللله لاطلع
ام سعود:طيب وخرت اطلع
سعود:يلعنننن ام النصب انا اشوف رجولك هاللي شكبرها تحت الباب بكيفك منب طالع
ام سعود:يالسمرمدي هالمره بروح بس انتظر تخلص من الحمام علي الطلاق لاطرحك هنا
سعود:موب عاقله خخخخ اجل علي الطلاق..اصلا اصلا ابوي متى مايبي يطلقك بيطلقك يعني مو بكيفك
ام سعود:هاه.لاابوك مايسويها
سعود:انا بقوله الكلام اللي صار وبصير خير انشالله
ام سعود:تقوله اني قلت علي الطلاق؟؟
سعود:يس
ام سعود:افا سعود كذا تهون عليك امك؟
سعود:ولا عليك امر البخشيش ولاترا قسمن اقول لابوي
ام سعود:وجع كم تبي
سعود:امممممم اللي يجي منك مانقول لا
................................
انقضت يومين على تلك السالفه وبعدها اتصلت اختنا بالله على سعود

البنت:مساء الخير
سعود:هلا
البنت:كيفك؟
سعود:زفت
البنت:ليييش؟؟؟
سعود:كذا مزاج
البنت:اممممم اوكي طيب وشلون الدراسه معاك؟
سعود:تراك قلق تدرين ولالا؟
البنت:انت ليش كذا تكلمني شسويتلك انا؟

سعود:انتي مييين اصلا؟
البنت:سعود الله يخليك افهمني
سعود:وش اللي احبك يابنت الناس وين قاعدين

بكت البنت بشدة واصبحت تناشق وهي خلقه مزكمه يعني الامور صعبه عندها سحبت منديل من الطاوله يوم خلصت
البنت:سعود انا احبك ماتعرف وشو يعني احبك؟
سعود:انتي تبكين؟
البنت:اي ليش؟
سعود:لا الله يخليك لاتبكين ماتعودت احد يبكي قدامي ترا اصيح معك الحين
البنت:لاعادي انا كل يوم ابكي يعني مافي شئ جديد
شعود:شوفي
البنت:هاه
سعود:انا ماعرف حركات حب ماحب جد اكلمك ماقد جربت هالشي صح انا احس اني ارتحت لك
وانك الشخص الوحيد اللي معطيني من وقته بس صدقيني ماقدر ابادلك الشعور اللي تحسينه
البنت:كيف محد معطيك من وقته
سعود:من وانا صغير محد يكلمني ويعطيني من قبله شوي حتى امي وابوي يعاملوني معامله سواويق
البنت:ياعمري
سعود:حتى حمود مايحبني
البنت:مين حمود؟
سعود:ولد خالتي
البنت:طيب ليش كل ذا
سعود:حظي الردي
البنت:اها طيب شوف سعود انا زي اختك اي شئ تحتاجه قلي لايرد الا لسانك وكل اللي بقلبك قله لاتخلي شئ ابد
سعود:والله.؟
البنت:اي ياسعود انااحبك
سعود:حتى انا
البنت:وشو؟
سعود:حتى انا زيك احبك بعد
البنت:والله؟
سعود:قسم بالله
البنت:يافرحتي
سعود:طيب وشسمك ترا ماعرف عنك شئ
البنت:مشاعل
سعود:مين سماك؟
مشاعل:والله مابعد سالت ماما
سعود:اها
مشاعل:وانت من سماك
سعود:مدري امي تقولي انهم مسميني على جدة ابوي
مشاعل:كيف يعني جدت ابوك اسمها سعود؟
سعود:اي انا سالت امي نفس السؤال قلتلي مو بشغلك قلتلعا طيب
مشاعل:طيب انت باي صف؟
سعود:ثالث ثانوي وانتي؟
مشاعل:اول ثنوي
سعود:اها الله يوفقك
مشاعل:ويوفق الجميع ان شاء الله
سعود:اقول مشاعل انا الحين لازم اسكر اكلمك بعدين اوكي
مشاعل:اوكي متى ادق عليك؟
سعود:بعد الساعه11علشان يصيرون امي وابوي نايمين وترى معليش جوالي عائلي ماقدر ادق عليك
مشاعل:اوكي لاتشيل هم اكلمك بكرة
سعود:اوكي فمان الله
مشاعل:باي


لم تعد تلك الليله في نظر مشاعل كسائر الليالي انتثر في مشاعرها شعور البهجه والفرحه فاصبح سعود
الشئ الوحيد اللذي تفكر فيه طوال ليلها فقد كان سعود ذلك الشاب اللذي يكسر الخاطر واللذي تكتسيه
الطيبه والحنيه اعجبت
بشافافيه اخلاقه وقلبه الرقيق الابيض شخصيته المسالمه عيشته البسيطه
القناعه واشياااااااء كثييييييييييره تكتشفها بسعود يوما عن يوم
اصبحت مشاعل تكلمه بشكل يومي حتى انها لاتطيق فراقه ليوم واحد واليوم الذي ياخذ ابوه جواله كعقاب
تقعد تصيح مشاعل واستمرت علاقتهم وهم على حالتهم تلك حتى تجرأت مشاعل بقولها لسعود.....

مشاعل:حبيبي سعود ابي اقولك شئ
سعود:تدللي ياعيون سعود
مشاعل:تسلم عيونك ياروحي انت..اممممم ودي اشوفك
سعود:تشوفيني؟!؟
مشاعل اييية
سعود:كيف؟
مشاعل:وش اللي كيف عادي كيف الناس تشوف بعضها بلا غباء سعوووود
سعود:انا فاهم بس اخاف
مشاعل:العن ابو دارك المفروض انا اللي اخاف مو انت
سعود:يادبه انا اخاف من ابوي وامي لو يدرون يحطوني بدار الايتام هم يدورون فيني الزله
مشاعل:ماعليك كيف بيدرون
سعود:مدري بس صعبه
مشاعل:سعود لازم اشوفك
ابي اعرف شكلك
سعود:طيب خليني افكر وارد لك
مشاعل:لاابيك توافق الحين
سعود:طيب وين تبين تشوفيني؟
مشاعل:أي مكان
سعود:مدري انتي اختاري
مشاعل:اممممم شرايك بالفيصليه او المملكه؟
سعود:لا مابي مكان عام اخاف احد يعرفني يشوفني
مشاعل:طيب انت اختار
سعود:شرايك اجي مدرستك؟بعد الدوام؟
مشاعل:انت صاحي؟
سعود:لا ماني مسوي شئ بس بوقف وانتي ناظريني وروحي
مشاعل:اوكي انت خلك واقف عند زاويه المدرسه وانا بمر جمبك بس ماراح تعرفني
سعود:طيب خلاص بكرة بتلاقيني انا والسواق بكامري بوكس
مشاعل:الله يفشلك انت وكامريتكم
سعود:حرام عليك والله سيارتنا قويه ابوي يقول دورتلكم احسن سيارة يبانيه
مشاعل:سلملي على ابوك خلاص اشوفك بكرة باي
سعود:باي
.................................................. ............

جا بكرة وحان وقت خروج الطالبات وسعود مرتز بالزاويه
طلعو وفود بنات وكلهم اسود باسود وياكثرهم اللي مرو جمبه يبي يشك بوحدة فيهم مامداه كلهم يشبهون بعض شوي ويدق جوالة


مشاعل:يا
ملححححك تههههبل سعود
سعود:وينك انتي؟
مشاعل:من جدك انت بقولك مين انا؟
سعود:والله مااناظرك بس قوليلي وينك
مشاعل:اجل وشوله تبي تعرف ويني دامك ماتبي تناظرني ياغباااااائك
سعود:ياللله عاد
مشاعل:خلاص انا رحت
سعود:تكذبين
مشاعل:اي والله
سعود:طيب يالله بروح البيت باي
مشاعل:باي


كبر الموضوع وصارت المقابلت بشكل متكرر لين شكت الهيئه بامر سعود
مسكوه وجلسوة بالجمس

الهيئه:ليش واقف هنا؟
سعود:وربي مافيني شئ بس احتري اختي تطلع
الهيئه:لكن انت كل يوم توقف هنا ولا يركب معك احد
سعود:شوف ترى انا اوقف كل يوم بس اهتي دايم تدق علي اخر شي تقول انا جايه مع سواقنا الثاني عرفت كيف
الهيئه:تستهبل انت ووجهك؟

سعود حس انه ف مأزق وانه سوف يتصفق شر تصفيقه اراد ان يعترف بكل شي وحيما هم بالحديث
واذا بفتاة ذات قوام ممشوق وايدي بيضاء كالثلج ذات صوت رقيق دافئ نفس الصوت اللذي يغرد على مسمع سعود كل ليله تقول ممسكه يده

الفتاه:سعود ليش تاخرت علي؟
سعود:انتي مين؟
الفتاة:انا اختك وجع
سعود:طيب اتحداك وشسمك؟
الفتاه:تعال اقولك باذنك وشسمي
قرب اذنه سعود وهمست له
الفتاة:انا مشااااعل اصصصص ياويلك تقول شي قل ذي اختي وتعال معي
سعود ماهو مصدق اخر شي يتوقعه ان ذي تطلع مشاعل تفاجأ وتكاسلت جميع اطرافه مفجوع وسلهم عيونه في طول مشاعل متخيلا
اياها وهي تكلمه على الموبايل والصمت قد ملأ شفاته مذهولا مرت لحظات فبلع ريقه اللذي تساقط البعض منه وقال:اي
صح ذي اختي وش بلا امك تقول ماعندك اخت هينا ولا شي
الهيئه:هداك الله يافتى رح مع اختك الله يصلحك
سعود:طيب يالله سي يو باي
الهيئه:سي يو تو
سعود:ذا بابكم كيف ينفتح
الهيئه:خربان طب مع الدريشه
سعود:طيب

وطب وقام ينفض التراب من مناخيرة وفز وهو يناظر باخته قصدي مشاعل
سعود:الحين انتي مشاعل اللي اكلمها؟
مشاعل:لاامها
سعود:لاوالله جد بالله كلميني اتاكد
مشاعل:من زمان ماحد صفقك على دمجتك اخلص وين سيارتكم الهيئه تناظر تحترينا نركب
سعود:بتركبين معي؟
مشاعل:خلاص تبي تاخذ القيلولة عند الهيئه ترى مو فاضيه لاامك اخلص
سعود:لا كل شي ولا القيلولة
مشاعل:اسمع اركب وانا بركب ورا وقل لسواقكم يوديني لسيارتنا
سعود:انت شكلك ودك بالقيلولة
سعود:لاخلاص


فخر الدين:ايس في سعود؟
سعود:هاه اي هذ...لكن قسم بالله عندهم شغاله تاخذ العقل
فخر الدين:سعود انتا جنجال كبير
سعود:قسم بالله لاخليك تكلمها بس لاتعلم ابوي
فخر الدين:ايس اسم هوا؟
سعود:مشاعل
مشاعل:يالوح يقصد شغالتنا
سعود:وانا شدراني باسم شغالتكم
مشاعل:قله يوقفني هنا
سعود:نخرورتي يؤ قصدي فخرورتي وقف هنا يابعد قلبي بس لاتعلم ابوي
مشاعل:بكلمك بالليل اليوم ان قفلت جوالك بحوسك
سعود:طيب لاتنافخين وجع

رجع بيتهم وهو مو مصدق باللي صار له اليوم وده كل يوم تمسكه الهيئه علشان تجي فارسه احلامه تنقذه
طول اليوم وهو سرحان الين دقت عليه مشاعل
مشاعل:هلا بالغالي
سعود:هلا والله مشاعل كيفك؟
مشاعل:انا بخير وانت؟
سعود:انا والله من يوم تركتك لين الحين وانا افكر فيكي
مشاعل:والله وش الطاري
سعود:مو مصدق انك انتي اللي مسكتي ايدي اليوم كل اللي اقدر اقوله العن يومك على ذا الحلا
مشاعل:والله تبي الصدق ياسعود انا كنت خايفه اول شي بس حسيت انك تبيني اساعدك وماتهون علي وانت تركب الجمس وتصير مشاكل
سعود:يابعد عمري مشاعل انا من جد احسك شي بحياتي ماقدر اخليه لو ايش انا حسيت معك اني اعيش ومنك انتي صرت اعرف اشياء كثيرة بالحياة
مشاعل:اكثر اخاف يجي يوم ونفترق وتندم كثير
سعود:صدقيني ماراح يجي ذااليوم مشاعل انا ماأقدر اتخيل حياتي بدونك
مشاعل:بكيفك



اقتربت ايام الاختبارات النهائيه
وقررت مشاعل ان تترك سعود لحين انتهاء الاختبارات طبعا ذا القرار مو بلحظه ولا بنص ساعه قعدت تبكي كالعاده تصيح وتصيح
ومن جهه اخرى ابو سعود مواعد سعود لاخلص الاختبارات يخلي جواله عمومي
المهم وقعد اخونا بالله سعود يكرف ليل نهار اكل الكتب اكل من كثر المذاكرة
المهم انتهت الاختبارات ودخل سعود ياخذ شور
وعلى طلعته دقيت مشاعل

مشاعل:سعوووووووووووود
سعود:حيااااااااااااااااتي
مشاااااااااااااااااااااعل يلعن ابو شيطانك وحشتيييييييييني
مشاعل:وانا اكثر ياروح روح روح روحيييييييييييييي والله من جد فقدتك ياخي
سعود:طيب اتحداك اشتقتيلي كثير ولالا؟
مشاعل:والله ياسعود كثييييييير حيييييييييل استحملت...انتظر الاختبارات تخلص ساعه بساعه
سعود:هاه كيف اختباراتك عساك حليتي؟
مشاعل:والله انواع الدجه بيني وبينك ماخذ كل عقلي
سعود:وانا بيني وبينك ماجبت خبرك خخخخخ كله اذاكر
مشاعل:والله وتقولها بوجهي ياولد اللي خلاص ماني قايله
سعود:انا انسان تحتم على مبادئي بالصراحه المطبقه مهما كانت مؤلمه
مشاعل:اي صدقتك
سعود:اتحاك تقولين شي بس واحد كذبت فيه عليك
مشاعل:ماادري بس لازم فيه شي تكذب علي فيه

ومازالوا مشاعل وسعود يكملون سوالفهم
جوال سعود وخلاه عمومي كما وعده وجت اول فاتورة صفقت الالفين ورجعه عايلي وبعد مانشب لابوة
وحلف انه مايعدي500ريال للفاتورة الواحده رجعه مره ثانيه وطلعت شهاده سعود جاب نسبه ماهي بشينه93%خلته
يدخل كليه الهندسه ورفع راس امه وابوه ومشاعل
ويشتري ابو سعود لسعود كورلا
واستمرت من جهه اخرى توطدت علاقته بمشاعل زود لين قضت العطله وبدا اول يوم جامعه
مشاعل:سعود ابي اقولك شي بس ماتزعل مني
سعود:قولي يامشاعل وش عندك
مشاعل:بس توعدني الاول انك ماتزعل مني
سعود:اوعدك مازعل وشصاير؟
مشاعل:سعود
سعود:هلا
مشاعل:انا...........؟؟؟؟؟؟؟؟

انا انخطبت من ولد خالي
سعود:قولي والله
مشاعل:ابمزح معاك يعني ياسعود

اطبقت شفاه سعود وهو يحتقن القهر والألم في قلبه ويكتم عبرته..ودمعه تنتظر العين ترمش عشان تنزل
تغيرت ملامح وجه سعود فكان هذا الشئ اللذي يحسب له حسبان حان الوقت لكي يؤمن بان يلوح كفه ليودع ايام السعاده الباقيه
لكل شي بدايه ونهايه فلا شئ يدوم ..كم مسكين انت ياسعود..مشاعل لم تكن الشئ اللذي يعشقها لكنها كانت الانسانه
التي دلته للطريق الصحيح في حياته واوضحت له اشياء لايفقهها كان يحبها
بمعنى الحب والتقدير كانت مشاعل تحيط سعود بالحنان والدفئ وكانت تتفنن
بامتصاص حزنه كانت بمثابه الأم لسعود..حان لسعود ان يلوح كفه ليودع ايام السعاده..مرت ذكريات حبه كلها بلحظات
.......قاطعته مشاعل باكيه بدموع حاره وبشعور يلتهب
مشاعل:سعود ساعدني انا مابيه بس شسوي امي وابوي ماقدر احرجهم مع خالي بس صدقني ماراح اتزوجه لو ايش
سعود:ماتدرين يمكن بيسعدك اكثر مني
مشاعل:سعود لاتقول كذا انا احبك اكثر منه والله العظيم ومابي اتزوجه اصلا لو شيسوون اهلي مابيه ابيك انت وبس
سعود:لا الله يخليك مشاعل اذا كنتي تحبيني وتقدرين شي اسمه سعود تكفين وافقي
مشاعل:سعود انا محتاجلك ابيك تساعدني لاتصير معاهم ضدي
سعود:مشاعل حولي تفهميني انا معك طريقنا مسدود اخر شي كل واحد فينا بيضيع
مشاعل:انا ابيك سعود ماقدر اتصور اعيش بدونك وانا اللي اذا ماكلمتك يوم احس اني بموت
سعود:تكفين مشاعل علشاني وصدقيني بفرحلك كثير

يقول سعود تلك الكلمات وهو يحس بعكسها تكاد تكون كطعنات تمزق قلبه اشلاء
احس انه فاق من حلم جميل نهايته مبكيه


مشاعل:اكرهك

اقفلت مشاعل السماعه بوجه سعود ومازال سعود يحتقن تلك الالام وشفتاه ترتعش وكل اطرافه
ترتجف وفي لحظات استجمع ماتبقى من قواه واتصل بمشاعل ولم ترد ورجع اتصل مرة اخرى واخرى
الى ان ردت وصوتها الحزين الغارق بالبكاء

مشاعل:نعم
سعود:بقولك شي
مشاعل:وشتبي؟
سعود:مشاعل بجي اخطبك شرايك؟
مشاعل:نعم؟
سعود:مشاعل شوفي انا ما بعد قلت لامي وداري انها بتقول لا بس بحاول معاها
يمكن توافق
مشاعل:مشاعل انت من جدك؟
سعود:اي مشاعل من جدي انا مو مستعد اعيش طول عمري اتعذب
مشاعل:طيب بكيفك
سعود:حاولي تماطلين بالخطبه لين اشوفلي حل اوكي
مشاعل:بسرعه سعود والله بخليك ترى كلن يسالني اذا وافقت ولا لا
سعود:اوكي من عيوني بس انتي ساعديني بعد ماقدر اسوي كل شي لحالي
مشاعل:انت قلي شسوي وانا بسوي
سعود:اوكي يللا تصبحين على خير باي
مشاعل:باي

نهض سعود من سريره والظلام يتبعثر في غرفته واخذ يمشي ويرجع على نفسه خطواته محاولا
ان يجد طريقه ليفاتح امه بالموضوع فلم يجد اي جدوى من تفكيره فاخذ قراره
بان يفاتحها بموضوع الزواج وانه قد عين الفتاة التي طالما ارادها وحلم بها وان يضعها امام الامر الواقع
ذهب الى فراشه ونام واصبح على اشعه الشمس المنبعث من نافذه الغرفه نهض من فراشه
متجها الى المطبخ حيث امه كانت تجهز الفطور

سعود:يمه
ابي اقولك شي
ام سعود:وشفيك؟
سعود:يمه ابي اتزوج
ام سعود:هذي الساعه المباركه ياسعود ابشر من بكره ادورلك على اللي تخليك تنبسط
سعود:لاانا ابي وحده يايمه
ام سعود:مين؟
سعود:يمه ابي اتزوج وحده تعرفت عليها بالتليفون
ام سعود:ماانت صاحي ياسعود وش هالكلام
سعود:يمه انا ابيها ولا ابي غيرها ولو ماتزوجتها ماني متزوج طول عمري
ام سعود:انت كبير وتفهم محد يتزوج من التليفون لو يسالونا يعرفها نقولهم سعود يعرفها بالتليفون
سعود:يمه هذي البنت هي اللي خلتني رجال قدام عيونك محد غيرني الاهي هي البنت اللي حبتني
وكنتو وقتها محد يطيقني ولا يعطيني وجه يمه هي مو ملزومه تاخذ واح زيي وغيري تقدملها واحسن مني
وماتبي الا انا وانا مابي الا هي يمه تكفين حسي فيني ولا تحرمنيني من البنت اللي احبها وصدقيني لو بتزوج غيرها
ماراح احب زوجتي زي ماانا احبها يمه الله يرضى عليك اذا كنتي تدورين سعادتي
ترا انا سعادتي مع هالبنت وصدقيني البنت بنت عايله وطبايعهم زي طبايعنا

لم تعجب ام سعود بهذه الظريقه ولكت تيقنت ان سعود ان لم يتزوجها سوف يحدث
شئ لايحمد عقباه وقررت ان تفكر في الموضوع فستئذنت سعود بان يمهلها لتفكر بالموضوع فوافق بان لاتطيل
وشرح لها ظروف خطوبه مشاعل
مرت يومان وسعود ومشاعل قد سجنتهم قضبان الحيرة ويحسبون الدقائق لكي تقرر ام سعود
بعد ذلك وافقت ام سعود
شرط:ان تقابل مشاعل في احدى الاماكن العامه لكي تبحث في مدى اخلاقها
صارت المقابله واعجبت ام سعود بشخصيه مشاعل ولكن تبقى الطريقه اللتي
سوف يتزوج بها خطرة وافقت ام سعود على الزواج وبقى الامر سريا بين الثلاثه ولكن هناك مشكله هي..........


مشاعل:سعود امك عسسسسل
سعود:أي انا طالع عليها
مشاعل:بس تخوف طول الوقت وانا مرتبكه
سعود:اسمعي مشاعل الحين انتي كيف بتفكين خطبة ولد خالت ابوك مدري مين؟
مشاعل:ما عليك انا مدبرة كل شي
سعود:نشوف


مشاعل فكرت في طريقه قد تكون جريئه للغايه وهي ان تتصل بابن خالها(محمد)وتوضح له بعض الامور ولم تفكر في كل عواقب الموضوع
مهما كانت

مشاعل:السلام عليكم
محمد:هلا وسهلا وشخبارك مشاعل؟
مشاعل:بخير انت كيفك؟
محمد:انا الحمدلله بخير
مشاعل:محمد انا بقولك شي يخص الخطوبه بس بليز لا تفهم غلط
محمد:اوكي اتفضلي
مشاعل:محمد انا صراحه تهمني سعادتك انا فكرت بموضوع الزواج حسيت اني ماراح
اسعدك بتلقى اللي احسن مني انا ماحبيت اردك حبيت انها تجي منك خوفي تنجرح
وصدقني بتبقى انت الاخ الصديق القريب واللي احتاجه بةقت ضيقتي وارجوك انك ماتزعل مني
محمد:مشاعل بس انا احبك
سكتت مشاعل ولم تتفاجأ بقدر ماتريد ان تنهي الموضوع باسرع مايمكن
مشاعل:محمد صدقني لو تزوجتني بتكره اليوم اللي حبيتني فيه محمد انا مااحس بشي اتجاهك الا انك اخ عزيز وبس
محمد:انتي تحبين واحد صح؟
مشاعل:محمد عن الكلام اللي ماله داعي
محمد:اوكي مشاعل شكرا على كل ذا انا بكره بقول للوالدة تفك كل شي علشان ترتاحين وبرضر انا تهمني راحتك باي
مشاعل:باي
جا بكرة
محمد:يمه انا مابي مشاعل
ام محمد:وش هالكلام يامحمد؟
محمد:خلاص يمه كنسلي كل شي
ام محمد:جالسين نلعب احنا الله يهديك مرة تقولي اخطبيهالي والحين تقول خربو كل شي
اعطي لام البنت كلمه واخر شي تهون
محمد:يمه ارجوك لاتضغطين علي انا خلاص ماعاد ابي اتزوج لامشاعل ولا غيرها
ام محمد:حسبي الله عليك كانك تبي تحرجني مع اهل البنت
محمد:معليش يمه

انفكت الخطبه في غضون يومين واصبح كل منهم طريقه واهالي المخطوبين في ذهول فلم تتفاجأ مشاعل وقد بدا عليها
وكان شي لم يعنيها استغربت ام مشاعل ومن جهه اخرى لاتزال ام محمد مستغربه بقرار محمد
خمدت فرحه الخطوبه وسط تعجب واستغراب الناس
سوا فرحة مشاعل اللتي كبرت في قلبها بسريه تامه

مر اسبوع على تلك الحكايه اتصلت ام سعود ببيت مشاعل ردت امها وبدأت تتعرف وهي اول مرة تكلمها
وطرحت موضوعها فبدت ام مشاعل مستغربه كيف انه لم ينتهي اسبوع حتى اتو خطابين اخرين
قالت ام سعود:نريد ان نراكم فوافقت ام مشاعل وكان الموعد يوم الاربعائ اتت ام سعود
ونزلت مشاعل في فستان متواضع
بجمالها الشرس
وملامحها الحادة
وبياضها الثلجي الذي نثرت فيه عقود الالماس
وشعرها الاسود الناعم
وبطولها الغريب
سلمت على ام سعود
ام سعود:ماشالله تبارك الله ماغلطت يوم اخترتك لولدي يابنتي
مشاعل(باستحياء):الله يسلمك يالخالتي

ذهبت الام من عند مشاعل

سعود:هاه بشري وافقو؟
ام سعود:الى متى وانا اعلم فيك للحين ماطلبنا يدها رسمي انتظر وجع
سعود:طيب يالله اطلبوها رسمي..ثاني شي وشو رسمي يعني؟
ام سعود:رسمي يعني انك تسكت وتثقل وخل كل شي علي
سعود:طيب


وصلو البيت دق سعود على مشاعل

سعود:وش ذا يامشاعل امي تقول نور القمر ماشالله
مشاعل:حرام عليك عاااااد ترى والله استحي
سعود:والله ان قلبي حاس ان ربي ماراح يجمعني فيك ليش مادري
مشاعل:لاتقول كذا ترى ابكي الحين
سعود:لا خلاااااااص كل شي ولا صياحك ترى قرفني قسم بالله كل مااكلمك لازم وقت مستقطع تصيحين بسبب او بغير سبب
مشاعل:اشوا
سعود:امي ماهي بصاحيه تقول راح اكشف عليك يمكن فيك امراض خبيثه تبهدل البنت معنا
مشاعل:بسمالللله علييييييك
سعود:اشوف الموت يامشاعل ولا اشوفك بالليله العرس احس بسسسستحي
مشاعل:انا شكلي بصيح اذا شفتك
سعود:والله ارجع انام ببيتنا واخليك تنامين لحالك
مشاعل:بحاول امسك نفسي

راح سعود لامه لقاها ضايق خلقها

سعود:شفيك يمه؟
ام سعود:مافيني شي
سعود:الا والله فيك قوليلي يمه
ام سعود:ياسعود ياولدي ماني قادرة افارقك وانت وحيد عيالي
سعود:لاتخافين يايمه بسكن جنبك ولا مشاعل ولاغيرها تقدر تاخذني منك انتي امي وجنتي تحت رجلك وصدقيني كل ماتذكرتيني بتلاقيني بوجهك

بكت ام سعود ولااول مرة يرى سعود امه تبكي وحاولت ان تخفي دمعاتها وما ان تساقطت دموعها حتى حضنت سعود بشدة بدأو كلاهما بالبكاء
خطبوا اهل سعود مشاعل بشكل رسمي
ووافقوا اهل مشاعل استمروا على الخطبه الى ان تخرج سعود
والتحقت مشاعل بكليه الحاسب......فكتبوا الكتاب
حتى ازدحمت زغاريد الحريم وقام سعود يزغد معهم
وحمل مشاعل على كفيه واخذ يركض بها وشفاههم تملاء الضحكات
والفرحه تكاد ان تخترق صدورهم من شدتها فلم يتوقع كلا منهم ان ياتي ذلك اليوم ولكن مشيئه الله فوق كل شئ.....

مشاعل:سعووووووووود
سعود:عيووووووووووونه وكله تدللي
مشاعل:احبببببببك يا سعوووووووود
سعود:وانا اموووووت فيكي
مشاعل:عسى ربي لايحرمني منك ومن شوفتك قول امين
سعود:اميييييييين

مشت الايام والحب في قلوبهم يكبر يوما بيوم
صارو يطلعون ليل مع نهار مع بعض مايملون من بعض ابد حتى شكو الناس انهم مسحورين
قرب وقت الزفاف وبدأت الناس تجهز لعرس الحبيبين
والكل مشغول وينتظرون وقت الزفه بفارغ الصبر ولا شك ان العروسين متحمسين لذلك اليوم
ومايحويه هذا اليوم من افراح العمر بعد قصه حب دامت اكثر من اربع سنين من العثرات والذكريات الجميله والبائسه
صمدوا وتجرأوا على اشيء لم يستطع غيرهم ان يفعلها
وفاء للحب الذي بينهم وقفت ظروف الزمن في اوجههم وقهروا تلك الظروف الصعبه في سبيل ذلك اليوم
يوم العرس اللذي طالما كان حلمهم الوردي
بدأت الايام تقل وازداد حماس العاشقين حتى تبقى يومين لتلك الحفله وبركان الصبر يكاد ان ينفجر من صدورهم
.
مشاعل:سعوووووود هانت هانت بقى يومين يومين بس
سعود:يالله
مشاعل:مجهزتلك مفاجأأأأأة بيوم العرس يابعد روحي انت
سعود:وشهي؟
مشاعل:مصدق انت بقولك
سعود:لااااااا قولي
مشاعل:مافيه
سعود:طاااااايب اصلآ حتى انا مسويلك مفاجأة بس ماني بقايلك عليها
مشاعل:احسن اصلآ عادي

مرت الساعات والتوتر يطبع ملامحه على وجيه الجميع

مشاعل:حبيبي بكرة بتشوفني بفستاني الابيض وش بتحس فيه؟؟؟؟
سعود:امممممممم بشيلك قدام الناس كلها وبرقص وبسوي كل شي لين تصدق النا اني مجنون
مشاعل:مانت صاحي
سعود:يووووة ذكرتيني بجيب ثوبي من الخياط عساني الحق باي
مشاعل:باي انتبه شوي شوي لاتسرع لااشنقك

ركب سيارته سعود وساقها بسرعه جنونيه وشتائم الناس تترمى عليه من حوله ولم يأبه احد
الى ان وجد امامه شاحنه كبيرة كانت واقفه على جنب الطريق لعطل كان فيها
حاول ان يوقف السياره ولكن لم يفلت من قدر الله سبحان الله فارتطك بها
فاصبحت سيارته كما العجين تراكم حوله جموع البشر والدماء تكتسيه من جبينه
وحتى اطراف قدمه حمله احد الاشخاص الى المستشفى
وعلمت امس عود بالخبر
ذهبت مع والد سعود الى المستشفى باقصى سرعه ممكنه والاجهزة والاسلاك تتبعثر على جسده
ورنين جهاز القلب لم يكف انينه ولم تستطيع ام سعود ان تسيطر على نفسها فتساقطت دموعها
ومان علمت مشاعل بالخبر
حتى خرجت خارج المنزل من غير عبايه لتصل الى المستشفى وهي تركض وكثر ابكاء قد اتعبها وارهقها
وجمعت قوتها حتى وصلت الى غرفته فوجدت ام سعود واب سعود وادكتور
يقول لهم:انتظروا بالخارج ولكن لم يتمكن من مشاعل وذهبت الى ناحيه سعود وهي تمسك بيده
وتهمس باذنه:تكفى سعود رد علي تكفى رد علي لاتخليني ياسعود ففتح عينه والتعب قد وضح عليه
ففرحت مشاعل ومسحت بعض من دموعها الكثيرة وابتسامه الامل والتفاؤل قد رسمت على ثغرها الصغير
سعود:مشاعل
مشاعل:هلا سعود
شعود:احبك موت يامشاعل
مشاعل:وانا اموت فيك يابعد عمري
سعود:قربي خدك
اقتربت منه بعد ان ردت خصائل شعرها وراء رأسها وحاول قدر الامكان ان يقترب منها
فقبل سعود وجنتها المورده ومازالت شفاه سعود ملتصقه ترتعش بخد مشاعل
وعدد نبضات قلب سعود قد بدأت تعد عدها التنازلي لكي يودع هذه الدنيا ومشاعل وسط ابتسامتها نزلت دمعه ذابت على جبين سعود
وماتزال شفاه سعود ترتعش وحاول سعود ان يطيل القبله
ولكن شاء الله ان تخرج روحه في تلك اللحظه احسست مشاعل بدفء قبلته وما ان
التفتت الى سعود ورأته وقد ودع الدنيا وقد اغلق اجفانه الناعسه
وابتسامته لرؤيه مشاعل اخر لحظات حياته هي اللي تبقت من سعود فبكت وهي تضحك
من قهرها واخذت تصرخ تهتف لا ياسعودد بكرة ابيك جنبي تجلس جنبي تكفى لا
تموت
سعوووووود الله يخليك انت مامت تتكلم ادري انك تتكلم اتكلم
وبكاؤها يبعثر كلامها
فسقطت مغميا عليها على صدره ويدها لاتزال تمسك يده ودخلت ام سعود على اثر ذلك
الصرخه تلك اللحظه وضعت يدها على فمها مذهوله مصعوقه من المنظر حتى ارتكمت وبكت هي الاخرى في فقدان ضناها الوحيد
فأتى زوجها وهدئ من روعها واجلسها في الخارج ومشاعل لاتزال في غيبوبتها وعلم ماتبقى من الاهل بذلك الحادث المروع

فقد مات سعود وسبق قدر الموت قدر الزواج بيوم واحد مات سعود اللذي احبه جميع الناس
مات سعود وحيد امه وابيه
مات سعود اللذي احب مشاعل واحبته
مات سعود صاحب القلب الابيض الطيب الرقيق
مات سعود وقد بكى له جميع البشر
ومشاعل ماأن فاقت من غيبوبتها حتى بدأت تبكي باليوم الواحد ساعات طوال
حتى عميت عيناها وبعد6شهور من موت سعود وبعد ان نفذ صبرها ولم تحتمل هول الصدمه جاء اجلها بين اهلها في فراشها
ولحقت بحبيبها فقد انهى الموت بطغيانه على قصه حب جميله بريئه
وكان ظرف الموت اقوى من حبهم

شكرا لكى على هذا الموضوع القيم
ولكى منى أرق التحية